Felles aktivitetar

For oss er det viktig at både elevar og foreldre trivast saman også utanfor skuletida. Saman arrangerar vi bygdekveld, julegrantenning og julefest.

Skulen arrangerar bygdekveld der elevane underheld på scena, og andre i bygda får ei moglegheit til å vise fram eller opptre med noko om dei ønskar.

Julegrantenninga har dei siste åra blitt arrangert i klatreparken i regi av idrettslaget. Her er små og store invitert til ein sosial samankomst, aktivitetar, levering av ønskeliste i nissens postkasse og kanskje dukkar nissen opp.

Den store julefesten er populær. Foreldre, besteforeldre og alle andre som ønskar det er invitert. Elevane underheld og saman har vi ei flott avsluttning før jul. Mange nye unge skodespelartalent har overraska.